ONTVANG ONS NUUSBRIEF

 

Marlow Landbouskool

Meer as net 'n skool

 

AVONTUURKAMP

Die kamp word aangebied 10 kilometer van Cradock op die terrein van die Hoër Landbouskool Marlow, wat ongeveer 3400 hektaar beslaan. Die pragtige landelike omgewing tesame met die Groot Visrivier wat deur die plaas vloei gaan aan elkeen wat die kamp bywoon ‘n wonderlike geleentheid bied vir ontspanning en vermaak.

 

Ons bied die kamp aan omdat ons glo ons daardeur die versoening van die mens en die natuur speel-speel so bevorder dat ‘n verantwoordelike lewenstyl ten opsigte van die omgewing by die kursusgangers gestimuleer word.

 

As jy graag die kamp wil bywoon moet jy egter opskud met jou aansoek. Ons aanvaar slegs die eerste 100 graad 6 of 7 (st.4 of 5) seuns wat aansoek doen.

 

Die kamp word aangebied deur opgeleide onderwysers en studente en veiligheid tydens die duur van die kamp is prioriteit. Aktiwiteite sal sinvol en met verantwoordelikheid aangebied word. Tydens die kamp word julle opgedeel in spanne met ‘n spanleier wat toesig hou oor elke span.

 

Seuns wat die kamp gaan bywoon word by die skool gehuisves. Tydens die duur van die kamp word een aand in die veld deurgebring. Muurbalbane, tennisbane en ‘n swembad is tot almal se beskikking. Bring gerus visgerei saam om die grotes in die Visrivier uit te trek.

WEB DEVELOPMENT BY