ONTVANG ONS NUUSBRIEF

 

Marlow Landbouskool

Meer as net 'n skool

 

Gholf

Marlow se gholfspan bestaan vanjaar uit 13 seuns – 9 seniors en 4 juniors. Marlow se sukses op die gholfbaan kan toegeskryf word aan harde werk gedurende die jaar.

 

Vyf van die seuns nl. Hannes Conradie, Handrich Conradie, Jandré Barnard, SJ Marais en Danie de Wet speel vanjaar vanaf ‘n enkelvoorgee.

 

Marlow neem deel aan die Winterberg liga waar die span keer op keer as die wenners wegstap.

 

Meer indrukwekkend is die resultate wat behaal is teen Nico Malan (wen 134 – 114) en Framesby (wen 177 – 134).  Ongelukkig is die span net nie sterk genoeg om Oakdale te klop nie en Marlow verloor die dag met 281 teenoor Oakdale se 331 punte.

 

‘n Jaarlikse hoogtepunt op Marlow se gholfkalender is die toer wat plaasgevind het vanaf die 16de tot die 19de Mei.

 

 Die toer bied ‘n uitstekende geleentheid vir Marlow se gholfspelers om hul talente te meet aan ‘n verskeidenheid bane en weersomstandighede om sodoende hulself beter voor te berei vir die jaar se gholf wat voorlê.

 

Marlow se top-gholfspeler, Hannes “Wors” Conradie, oortref alle verwagtinge gedurende die seisoen met konstante, goeie gholf.

 

Hannes se bydrae in Marlow se oorwinnings teen skole soos Framesby en Nico Malan is noemenswaardig.

 

Buiten sy bydrae in spanverband het Hannes individueel ook uitstekend gevaar toe hy gedurende die Vrystaat Junior Kampioenskappe gekies is om die Vrystaat te verteenwoordig by die Interprovinsiale Kampioenskappe wat gedurende die Septembervakansie in George plaasgevind het.

 

 

WEB DEVELOPMENT BY