hoof@marlow.co.za
048 881 3121

ONTVANG ONS NUUSBRIEF

 

Marlow Landbouskool
Meer as net 'n skool
Elf van Marlow se skuts het aan die 2014 Nasionale Metaalsilhoeët Skietkampioenskappe deelgeneem. Die kampioenskappe is op die Bloemfontein Metaalsilhoeët skietklub se skietbaan net buite Bloemfontein aangebied. Daar het skuts van oor die hele land deelgeneem as individue of as deel van provinsiale spanne. Ses van Marlow se leerlinge het die OPMSSV verteenwoordig tydens hierdie kampioenskappe en het besonders goed presteer. Verskeie skuts het gedurende die kompetisie nasionale breekpunte geskiet om in aanmerking te kom vir proewe vir die 2016 Junior Protea span in kleinkaliber geweerskiet. Hierdie jaar was dan ook die eerste jaar dat silhoeëtskiet ʼn nuwe kompetisie bygekry het in die opsig dat daar nou ʼn Middellande liga is vir skole. Die skole is Hoërskool Middelburg, Hoër Volkskool, Union High en Marlow. Die ligas is oor vyf bene geskiet om die seuns en meisies meer blootstelling aan die sport te gee. Daar word op ʼn weg- en tuisbeginsel gewerk, waar elke skool ʼn beurt kry om die kompetisie aan te bied.