ONTVANG ONS NUUSBRIEF

 

Marlow Landbouskool

Meer as net 'n skool

 

Tennis

Marlow het ‘n uitstaande tennisjaar beleef.  Nie alleen het ons spelers die proewe oorheers nie, maar ons eerste span het uitstekend tydens die tennistoernooie gevaar.

 

Tydens die Sentrale Distrikte proewe in Januarie het Marlow 12 van die moontlike 18 plekke ingeneem.

 

Tydens die daaropvolgende OP Plattelande proewe is die volgende spelers gekies:

0/14:  Pieter Smith (2de), Drew Jordaan (3de) en Tiaan Hattingh (eerste reserwe).

0/16:  Gideon Smith (1ste), Yanga Dinga (2de) en Gerhard du Plessis (tweede reserwe).

0/19:  SJ Marais (3de) en Johannes Erasmus (6de).

 

Gideon Smith, Yanga Dinga en SJ Marais is ook vir die OP tennisspan gekies.

 

Die 0/15-span het weer eens aan die Boland Landbouskool Tennisfees deelgeneem en waardevolle ervaring opgedoen.

 

Die eerste span het aan vier toernooie deelgeneem en in drie daarvan die finaal gehaal.

 

Tydens die Tjaart Vorster toernooi speel die span in die finaal teen Oakdale Landbouskool en verloor met 5 wedstryde teenoor 3.

 

Marlow speel uitstekende tennis tydens die Marilie Moolman toernooi en verloor naelskraap met 5-4 teen Hoërskool Menlopark in die finaal.

 

In September het die eerste 5 spelers aan die vyfde Bethlehem Hoërskole toernooi deelgeneem en vriend en vyand verras.

 

Marlow klop Randburg in die semifinaal en speel daarna teen Hoërskool Linden in die finaal.

 

Die kragmeting eindig met 3 wedstryde elk.  Potte moes daarna getel word om die wenner te bepaal en Marlow verloor ongelukkig met 29 teenoor 33 potte.

 

Die tennisbane word tans oorgedoen en die plaveisel rondom die bane is ‘n groot verbetering.

 

Die eerste 16 spelers ontvang steeds professionele afrigting op Woensdae tydens die sportperiode.

 

Daar word met groot verwagting uitgesien na die nuwe tennisseisoen.

 

 

WEB DEVELOPMENT BY