ONTVANG ONS NUUSBRIEF

 

Marlow Landbouskool

Meer as net 'n skool

 

Leerlingraad prefekte

Diens
Getrouheid
Eerlikheid

Die rol wat die perfekte op Marlow speel in die normale verloop van dag tot dag, kan nie gering geskat word nie.

 

Reeds vroeg in Januarie het die 2018 prefekte bymekaar gekom om te beplan, te bespreek en te organiseer om van Marlow ‘n sukses te maak.

 

Dit is in ’n groot mate die prefekte wat verantwoordelik is vir die dissipline en groepsgees in die skool.

 

Hulle moet sorg dat Marlow se karakter behoue bly. Daar word van hulle verwag om nie net in die skool én koshuis diens te doen nie, maar om ook te motiveer, te dissiplineer, te ondersteun en te alle tye lojaal te wees aan die skool en medeleerlinge.

 

Dit is totaal en al anders as by die meeste ander skole waar prefek-wees maklik en stresvry is.

 

Die huidige prefekte het hul bes probeer om ook van 2018 ’n sukses te maak. Onder die puik leiding van ons hoofseun, Driekus, saam met die twee onderhoofseuns, Jaco en Eben, het hulle saam met die prefekte gepoog om die beste vir Marlow te doen – en dit in ‘n groot mate reggekry.

 

Die prefekte van 2018 het werklik in hierdie jaar ‘n verskil gemaak. Hulle het hard gewerk aan hulle doelwitte om van Marlow ‘n beter skool te maak en het baie van hierdie doelwitte bereik.

 

Die prefekte het ook hierdie jaar ‘n baie geslaagde tweede matriekkamp aan die begin van die jaar aangebied.

 

WEB DEVELOPMENT BY