ONTVANG ONS NUUSBRIEF

 

Marlow Landbouskool

Meer as net 'n skool

 

VCSV

“Wat ek het is net genade. Wat ek het is net geleen”.

 

Die VCSV se tema is “genade” en met die kringleiers se geestelike voorbeeld en leiding maak Marlow elke jaar ‘n genade jaar!

 

Die VCSV se diensjaarspan het die kringleiers voorberei en  toegerus vir hul groot taak as geestelike leiers van die skool.  Die kringleiers het die jaar in alle opsigte voorgeloop, gelei en gedien!

 

Die "Imagine" kamp is jaarliks ‘n hoogtepunt op die kalender en word om en by deur ‘n 1000 tieners van oor die hele Oos-Kaap bygewoon.

 

Die VCSV was ook baie bedrywig by die skool.  Die seuns het gereeld as ‘n groep bymekaargekom om die Here te loof met “praise and worship” aande.  Tydens die byeenkomste het pastoor Louis Stone ook ‘n kort boodskap aan die seuns gebring.

 

Freek en sy span van Kruiskyk het ook die jaar besoek kom aflê by Marlow. Tydens die geleentheid het Freek sy getuienis met die seuns gedeel. Vir baie was dit die hoogtepunt van die jaar se VCSV.

 

Die geleentheid is opgeneem en sal in kwartaal vier uitgesaai word.  Alle eer en dank kom ons Hemelse Vader toe vir al ons talente, gawes en ons lewe!

 

 

WEB DEVELOPMENT BY