Hoër Landbouskool Marlow

Marlow Agricultural High School

WELKOM BY
HOЁR LANDBOUSKOOL
MARLOW

Ons Skool

Akademie

Sport

Koshuis

Landbou

Boodskap van die hoof

Uit die skoolhoof se kantoor…

Niemand wat deur die loop van 2021 as `n pessimis gebrandmerk is, kan seer sekerlik verkwalik word nie. Die uitgerekte en skynbaar eindelose golwe van
COVID-19 wat oor die wêreld spoel, is genoeg om selfs die positiewe persoon tot ander insig te dwing.  Waar  nuwe variante en inperkingsregulasies twee jaar gelede nog vreemde konsepte was, is dit nou die rigtingwysers wat ons lewens reguleer.

Uit die bogenoemde aanhaling van Winston Churchill is die sleutelwoord ‘opportunity’ of geleentheid en die vraag is dan: kan jy hierdie ongewone en moeilike tyd omskep in `n geleentheid? `n Geleentheid vir selfontwikkeling terwyl die wêreld nuwe eise aan jou stel of `n geleentheid vir die herevaluering van jou prioriteite in terme van jou werk en gesin. Dalk `n geleentheid om weer jou afhanklikheid van God te besef, waar ons dag-tot-dag se behoeftes duidelik broos aan Sy genade uitgelewer is.

Die 90ste bestaansjaar van Marlow was beslis uitdagend en ons het daarom ook die keuse gehad om die ontwrigting in geleenthede te omskep. Die suksesse van 2021 getuig van die skool se pogings om aan sy leerders steeds `n gebalanseerde onderriggeleentheid te bied. Ek wil in besonder melding maak van die Marlow-personeel wat met toegewyding deurlopend aanpas om dit vir die leerders moontlik te maak.

Die vooruitsig van `n ‘normale’ 2022 hou baie belofte in. Ek glo dat skool standvastig al die struikelblokke van hierdie jaar te bowe sal kom en dat ons steeds sal voortbou op ons ryke verlede. Sodoende sal Marlow `n tuiste vir nog vele Wolramme wees.

Vriendelike groete.

Pieter Steyn

Skoolhoof

Marlow is n leefwyse

Marlow is ‘n seunskool, waar moedertaal (Afrikaans) onderrig geweldig belangrik, is, en waar die seuns ontwikkel en skoolgaan op ‘n plaas. Hierdie drie eienskappe maak die skool baie besonders en hou voordele vir ons leerders in wat nêrens anders gekry kan word nie.

‘n Seunskool beteken tradisies en ‘n skooltrots wat deur die jare gevorm en gebou is tot iets unieks wat van onskatbare waarde vir die ontwikkeling van ons leerders is. Die seuns kan grootword in ‘n omgewing waar hulle tuis voel en waar hulle kan groei met waardes eie aan ons kultuur en godsdiens.

“Voormalige Studente.”

Om op Marlow skool te kan gaan is ‘n voorreg waarvan enige boerseun kan droom. Ek het my skoolloopbaan op Marlow vreeslik geniet en geleer om die lewe vierkantig in die oë te kyk en enige uitdaging wat aan jou gestel is aan te vat en ‘n sukses te maak. Die klein skooltjie leer jou samehorigheid en broederskap onder mekaar wat vriendskapbande smee wat vir altyd hou. Dit is ‘n skool op ‘n plaas wat jou so baie aktiwiteite bied dat jy vergeet dit is eintlik ‘n skool. My wens vir die skool is dat die voorreg om op Marlow te wees nog vir duisende jare aan plaasseuns verskaf kan word. EEN MAAL ‘N WOLRAM ALTYD ‘N WOLRAM.
BB. (Francois Naudé)
Matriek 2012
Ek was in 2018 matriek en was ook bevoorreg om onderhoofseun en 1stespan kamptein te wees van die jaar. Marlow is vir my n skool waarna ek elke dag sal opkyk en respekteer. N skool wat my die geleentheid gegee het om myself te vind en myself op te bou na die beste "self" wat ek kon wees, nie net IN skool nie maar het my ook so geleer om die res van my lewe myself te kan en wil verbeter. My Marlow, my trots Dis vir my n skool waar lekkerte en trots nie kan beskryf word nie. Waar pelle lewensvriende word en herinneringe nooit vergeet sal word nie. Met sekerheid kan ek soos geen ander skool se leerder se dat daar nie n dag was wat ek Marlow om gewens het nie asook geen dag sal kom waar ek dit nie mis nie. Een keer n wolram altyd n wolram
Jaco Nell
Cheetah (Jaco Nell)
Matriek 2018
It was an real incredible experience for me. The quality of food was only matched by the quality of service I got. I wish I can keep the flavor in my mouth for ever. Thanks for making the evening an unforgettable one.
Sandra Files

Gemeenskap in die kleine

Die skool is geleë op die walle van die Groot Visrivier op ‘n plaas 10 kilometer buite Cradock. Die skool, koshuise, plaasgeboue en omgewing maak van Marlow ‘n gemeenskap in die kleine.

Dit skep ‘n kampusgevoel wat weer bydra tot ‘n samehorigheidsgevoel onder leerders, ouers, personeel en oudskoliere. Ons is een groot familie!