- 048 881 3121
- hoof@marlowlandbou.co.za
- Mon - Fri: 08:00 - 14:00
Hoër Landbouskool Marlow
Marlow Agricultural High School
Menu
Marlow is ‘n seunskool, waar moedertaal (Afrikaans) onderrig geweldig belangrik, is, en waar die seuns ontwikkel en skoolgaan op ‘n plaas. Hierdie drie eienskappe maak die skool baie besonders en hou voordele vir ons leerders in wat nêrens anders gekry kan word nie.
‘n Seunskool beteken tradisies en ‘n skooltrots wat deur die jare gevorm en gebou is tot iets unieks wat van onskatbare waarde vir die ontwikkeling van ons leerders is. Die seuns kan grootword in ‘n omgewing waar hulle tuis voel en waar hulle kan groei met waardes eie aan ons kultuur en godsdiens.
Die skool is geleë op die walle van die Groot Visrivier op ‘n plaas 10 kilometer buite Cradock. Die skool, koshuise, plaasgeboue en omgewing maak van Marlow ‘n gemeenskap in die kleine.
Dit skep ‘n kampusgevoel wat weer bydra tot ‘n samehorigheidsgevoel onder leerders, ouers, personeel en oudskoliere. Ons is een groot familie!
Marlow streef na uitnemendheid op alle gebiede wat lei tot die holistiese ontwikkeling van elke jong Afrikaner seun. Dit tesame met die skepping van ‘n volhoubare omgewing en kultuur wat tot voordeel is en vreugde verskaf aan almal wat by Marlow betrokke is.
Marlow wil die leier wees in opvoedkundige onderrig deur:
1. Te handhaaf en te bou.
2. ‘n Skool te wees met ‘n Afrikaanse Christelike karakter.
3. Morele waardes en norme sterk na te streef.
4.Optimale benutting van alle hulpbronne en finansies.
5. Gesonde samewerking tussen alle rolspelers na te jaag.
6. Landbouleerders bloot te stel aan moderne en gespesialiseerde landbou onderrig en in voeling bly met die tegnologie wat daagliks verander.
7. ‘n Span te wees wat saamwerk en kwaliteit onderrig bied aan die leerders.
8. Die leerders geleenthede te bied om hulleself ten volle uit te leef op die sportvelde en op kulturele vlak .
9. Die unieke leefstyl op Marlow te koester en beskerm.