Skool - Marlow Landbouskool

ONS SKOOL

By Marlow kry jou seun die geleentheid om te groei en te ontwikkel binne ’n unieke leefstyl wat min skole kan bied. Ons skool bied ’n veilige omgewing waar plattelandse waardes, karaktervorming en respek vir God se skepping deel vorm van elke dag.

Marlow se waardegedrewe onderwys plaas klem op persoonlike groei, akademiese prestasie en die ontwikkeling van elke seun se volle potensiaal. Dit word aangevul deur ’n sterk buitemuurse program, gesonde kompetisie en sportgeleenthede waar elke leerder die kans kry om deel te neem, te presteer en te behoort.

Ons glo dat ontspanning ook ’n belangrike deel van ontwikkeling is. By Marlow leer seuns nie net in die klaskamer of op die sportveld nie, maar ook deur vriendskap, avontuur en gesonde plattelandse ervarings. Waar anders kan seuns langs ’n standhoudende rivier speel, visvang, met binnebande dryf, braai en kuier saam met vriende van hul eie portuur?

Hier bou ons aan selfvertroue, karakter en lewensvaardighede – sodat elke Marlow-seun met trots, geloof en gereedheid die lewe ná skool kan betree.

Aansoekvorm

Fooie

Sakpasgids

Graad 8 Vakke (Alle vakke is verpligtend)

Afrikaans Huistaal, English FAL, Wiskunde, Landboustudies, Natuurwetenskappe, Sosiale Wetenskappe, Ekonimiese en Bestuurswetenskappe, Tegnologie en Lewensoriëntering

Slaagvereistes: 50% vir Afrikaans Huistaal ; 40% vir English FAL; 40% vir Wiskunde; 40% vir 3 leervakke en 30% vir nog twee leervakke

GR 10 - 12 VAKKEUSES

Verpligte Vakke

Afrikaans Huistaal
English First Additional Language
Wiskunde/Wiskundige Geletterdheid

Keusevakke

GROEP 1: Landbouwetenskap
Ingenieursgrafika en -ontwerp (IGO)
Rekeningkunde
Toerisme
GROEP 2: Landboutegnologie
Rekenaartoepassingstegnologie (RTT)
Fisiese Wetenskappe
GROEP 3: Landboubestuurspraktyke (LBP)
Besigheidstudies
Lewenswetenskappe

Graad 10 – 12 Slaagvereistes:

Moet Afrikaans Huistaal met ten minste 40% slaag.

Moet twee ander vakke met ten minste 40% slaag.

Moet drie ander vakke met ten minste 30% slaag

Leerlinge kan ‘n landbougerigte óf
‘n volle akademiese rigting volg.

Previous slide

Next slide

Koshuis

Hoër Landbouskool Marlow beskik oor drie koshuise waarin al ons leerders tuisgaan, Huis Sarel Brandt, Huis Willie Michau en die Braam Mulder Anneks. Die koshuise word hanteer en bestuur deur die koshuisbestuurder, Mev Girda Siebert, tesame met 3 koshuisvaders, , 2 koshuismatrones en ‘n washuismatrone en 16 koshuispersoneellede. Die kamer grotes van alle koshuise varieer tussen 1,2, 4, 6 , 8 en 10 man kamers, afhangende van die koshuis.

Huis Sarel Brandt huisves leerders in graad 11-12. Die koshuis is bekend as die senior koshuis en word streng gehanteer deur die koshuisvader, mnr Dale de Wet. Die koshuis het 6 assistant personeellede wat om die beurt in die week saam met die koshuisvader dissipliene en roetine handaaf. Hulle doen ook naweekdiens om te verseker die inwonende leerders gemonitor en veilig gehou word.

Huis Willie Michau huisves meestal leerders van graad 8 en 10. Die koshuis het ook versekie leerders van ander grade omrede die koshuis die meeste leerders kan akkommodeer van die drie koshuise. Die koshuis is bekend as die junior koshuis en word deur die koshuisvader, Mr. Derick Olivier bestuur. Die koshuis het ook 6 assistant personeellede soos Huis Sarel Brandt wat self om die beurt in die week hul diens voltooi.

Die Braam Mulder Anneks huisves leerders van graad 9. Die koshuis word bestuur deur Mnr Luigy van Jaarsveld. Die Braam Mulder Anneks val onder die diensrooster van Huis Sarel Brandt alhoewel die koshuis nie fisies aan die senior koshuis verbind is nie.

Koshuisinwoning is verpligtend vir al ons leerders weens die tradisie, aard en ligging van ons skool.